[image: IFM 919 Logo (1).jpg]
Kun ugaling mosamot ang sitwasyon sa apektadong ektarya sa mga pananom sa siyudad pwedeng i-rekomenda sa City Agri ang state of calamity. Dinhi pwedeng maglusad ang LGU og cash for work program ngadto sa mga barangay nga apektado sa el niño.
Base sa report gibutyag ni Merlinda Donasco ang City Agriculturist nga dili na mapuslan ang nadaot nga mais gumikan sa derederetsong init. Dunay mais na matod pang pwedeng ihatag ngadto sa mag uuma nga naapektuhan sa hulaw.
Samtang dunay record ang maong buhatan sa mga mag uuma nga nag tanom na maoy makadawat sa hinabang.
Kahibaw an nga upat na ka mga barangay sa Gensan ang naapektuhan sa grabeng ting init ning panahona kung asa base sa datus sa City Agriculture Office anaa sa kapin 120 ektarya na ang natala nga naapektuhan.
Pinaka grabeng naapektuhan sa kalapad sa ektarya nga pananom tungod sa hulaw mao ang Barangay Sinawal kung asa anaa matod pa sa kapin 40 ektarya sa maisan ang nadaot tungod sa grabeng init sa panahon.
Sunod sa maong barangay ang Conel, Upper Labay ug Bawing na dunay halos tig-40 ka ektarya sab ang nadaot nga maisan.
