Handa na rin ang mga local offices ng Commission on Elections (COMELEC) para sa filing ng Certificate of Candidacy (COC) na magsisimula ngayong araw.
Para sa local filing, wala nang hahanaping negatibong resulta ng COVID-19 test at vaccination card pero mahigpit na ipapatupad ang health protocols.
Dadaan ang mga kandidato at kanilang mga kasama sa temperature check, sanitation at health declaration sa kada punta sa window para sa filing.
Hanggang tatlong kandidato at kanilang supporters ang papayagan sa loob ng tanggapan at magsasagawa ng disinfection kada matatapos ang filing sa bawat batch.
Sa ngayon, panawagan ng Local Comelec Offices sa mga kandidato at supporters na huwag nang magsama ng higit pa sa dalawa dahil hindi rin sila papayagang pumasok ng venue.
