Davao City – Ensakto ang gihimo ni Davao City Mayor Inday Sara Duterte-Carpio nga maglusad og localized peacetalks tali sa mga Maoist communists dinhi sa syudad sa Davao.
Sumala ni Davao City Second District Councilor Danilo Dayanghirang, daku siyang uyon sa gihimo sa mayor nga makig-istorya sa mga New Peoples Army (NPA) dinhi sa syudad inay nga makig-giyera.
Si Dayanghirang, kinsa chairman usab sa City Council Committee on Finance, Ways and Means nagkanayon nga kung pareho lang sinsero ang matag pundok, molampus gayud ang maong panagtagbo.
Gidugang ni Dayanghirang nga ang benepisyong makuha sa lokal nga pakighinabi mao nga aduna pay lugway nga higayon nga mag-istoryahanay sukwahi sa suspindidong peacetalks didto sa national level.
Naglaum ang konsehal nga sinsero usab ang pundok-rebelde sa dihang makig-dayalogo sa lokal nga kagamhanan tungod ug alang sa kalinaw.
RadyoMaN Bernard Pantallon
