Davao City – Giawhag karon sa Department of Trade and Industry (DTI) XI ang local chief executives nga i-reactivate ang Local Price Monitoring Council (LPMC) sa matag munisipalidad ug syudad aron panid-an ang rice retailers.
Sumala ni Romy Castanaga, spokesperson sa DTI XI nga katuyuan sa pag-convene sa LPMC aron susihon kun nituman ang rice retailers sa merkado sa price ceiling sa bugas subay sa Executive Order no. 39 ni President ‘Bongbong’ Marcos Jr.
Matud ni Castanaga nga nakig koordinar na ang DTI XI sa Department of the Interior and local Government XI aron aghaton ang mga alkalde sa matag lungsod ug ka syudaran sa pagre-activate sa LPMC kay mas nasayod ang Economic Enterprise sa matag LGU sa micro rice retailers sa ilang merkado.
GIdugang sa tigpamaba nga dili lang ang presyo sa bugas ang subayon sa LPMC lakip na usab ang ubang batakang palaliton kun wala umentuhi sa mga oportunistang mga negosyante.
RadyoMaN Erin Lumosbog
Facebook Comments
