[image: IFM 919 Logo (1).jpg]
Pasakaan og tukmang kaso nga pagsupak sa Section 5 ug 11 o selling og possession sa dangerous drugs ubos sa RA 9165 ang atubangon karon sa suspek nga nagtingkagol sa selda sa PDEA 12 human sa buybust operation gahapon sa may pinyahan sa Barangay Cannery Site Polomolok South Cotabato.
Giila ang suspek sa pangalang Dante del Puerto, 39 anyos, residente sa Purok Malinawon, Norcos Subdivision Barangay Poblacion sa maong munisipyo nga nadakpan sa may Field 103 Brgy. Cannery Site.
Base sa impormasyon gikan sa PDEA 12 nga napalitan sa ilang poseur buyer nga agent ang suspek og usa ka pakete sa shabu samtang narekober ang unom pakete sa shabu sa posesyon sa suspek nga gisulod og kahon sa chewing gum.
Bana-bana pa sa suspek nga pwedeng mabaligya ang maong iligal nga droga ngadto sa 15 mil hangtud 30 mil pesos.
Gisaysay sa suspek nga nahimo niyang mag sideline og drug pushing tungod pangsustento sa iyang mga anak nga nagtungha.
Dugang sa suspek nga wala na matod pa nagapadala og sustento kaniya ang iyang asawa nga OFW.
