GENERAL SANTOS CITY- Gihulat na lamang karon nga makapagawas og commitment order ang korte sa probinsya sa Sarangani aron nga matugyan sa Sarangani Provincial Jail ang nadakpang suspek nga wanted person.
Giila ni Police Major Robert Fores ang dinakpang wanted person nga si Charly Loveras Aquino, 35 anyos, construction worker ug residente sa Purok Maharlika, Barangay Poblacion, Alabel, Sarangani Province.
Nadakpan sa mga sakop sa Police Station 8 Tinagacan ang suspek samtang anaa sa ilang area of responsibility.
Gikanayon pa ni PMaj. Fores nga may kasong pagsupak sa Comprehensive Dangerous Drugs ang suspetsado kung asa ang operasyon nahitabo sa Alabel apan kini nakasibat og gipasakaan gihapon og kaso.
Kahibaluan nga adunay girekomenda nga pyansa balor og 40 mil pesos ang Regional Trial Court Branch 23 pirmado ni Judge Dennis Velasco base sa warrant of arrest.
For more info’s and updates, like and share our official facebook account : www.facebook.com/ifm91.9Gensanofficial/
[image: suspek sa droga.jpg]
