Davao City – Gipaboran karon sa usa ka kapitan ang istratehiyang purok, household or street lockdown inay nga tibuok barangay ang sirad-an kung adunay kaso sa COVID-19 sa maong lugar.
Sumala ni Barangay Capt. Lita Empis, Barangay Chairman sa Leon Garcia, Agdao District, pabor siya nga purok na lamang ang i-lockdown tungod kay daghan ang maapektohang panginabuhi kun kurambuson tanan.
Gipasabot usab ni Empis nga aron makontrolar ang pagkuyanap sa maong virus, angay nga pahugtan gayud ang pagbantay ilabi na sa lugar nga gi-lockdown ingon man ang pagpatuman sa minimum health standards ug protocols sama sa pag-estar sa panimalay kon walay importanteng tuyo aron mogawas, hustong pagsul-ob og face mask, social distancing ug kanunay nga paghugas sa kamot kun frequent handwashing.
RadyoMaN Bernard Pantallon
