Davao City- Maayo ang localized peace talk nga gipasiugdahan ni Davao City Mayor Inday Sara Duterte-Carpio aron walay matigayong kasamok sa syudad gikan sa pagpangatake sa mga rebeldeng NPA. Sumala ni Pedro Arnado, Secretary-General sa Kilusang Magbubukid ng Pilipinas-Southern Mindanao Region (KMP-SMR), dili kini makatubag sa mga nasudnong issue ug mas maayo gyud nga ipadayon ang peace talk sa national level.
Gipasabot ni Arnado, dili mawala ang mga rebelde hangtod anaa ang mga nagharing kapitalistang langyaw nga ni-a sa Pilipinas nga nagpahimulos sa kusog sa katawhang Pilipino.
Nagtoo si Arnado nga ang pamunoan sa National Democratic Front matinud-anon ang panghinabing kalinaw sukad gisugdan hangtod na sa ika-upat nga higayon, apan ang gobyerno mao man ang naghimo ug gimmick sama na lamang sa pagpasulod sa mga kapitalista gikan sa Malaysia alang sa palm oil, inay tabangan ang mga Pilipinong mag-uuma pinaagi sa paghatag og yuta ug suportahan sa ilang mga panginahanglan.
Kasamang Bernard Pantallon
