Davao City-Sugdan na karong Oktubre 1 ang unang set sa localized peace talks tali sa mga representante sa New Peoples Army (NPA) uban ang komitiba nga gimugna sa syudad aron ablihan na ang hinabing kalinaw sa syudad.
Sa usa ka press conference giingon ni Mayor Inday Sara nga giproseso pa niini ang appointment papers alang sa mga mahimong myembro sa maong espesyal nga komitiba.
“Ang atoang chairperson is Retired Judge Ridgway M. Tanjili and ang atoang members is si Archbishop (Romulo) Valles, from the city government we have two, the female lawyer si Attorney (Eliza) Lapiña, and then from the CSSDO is Ma’am (Malou) Bermudo.”
Sa pikas bahin, giingon sa Mayor nga kon tingali dili buot i-surrender sa mga rebelde ang ilang mga armas mahimo niya kining pangitaan og pamaagi aron magtrabaho kini sa gobyerno isip membro sa civil security unit.
“Kung ang giistoryahan lang nato kay dili ka gusto mo-give up sa imohang armas because that is the only job, that is the only thing that you know how to do, then pangitaan nato og pamaagi…Sa Civil Security Unit nato under sa PSSCC nato daghan, naga bantay og palengke, naga bantay og terminal, naga bantay og public schools didto sa bukid, naga bantay og government facilities. I am very flexible kung mao ang gikinahanglan to attain the peace nga gikinahanglan nato sa Davao.”
Gikalipay usab sa mayora nga una pa gisugdan ang peacetalks, aduna nay naga surrender nga mga NPA members apan iyang giklaro nga gawas sa pag-surrender sa mga rebelde buot sab niya kini makig kooperar sa pagmintinar sa kalinaw sa syudad.
Matod sa Mayor, kung walay maayong resulta ang ilusad nga localized peace talks, iya kining undangon sa bulan sa Nobyembre sunod tuig subay sa iyahang gideklara nga timeline.
RadyoMan Abi Bibera
