Lock down drill, gipahigayon sa Gensan, laing rehearsal giplanuhan

General Santos City—— Gipaklaro ni Col. Adonis Bajao, ang labaw sa Joint Task Force Gensan nga usa lang praktis kon drill ang ilahang gipahigayon nga lock down sa dakbayan niadtong adlaw’ng Dominggo, Hunyo 25.

Sumala niya nga tumong sa maong aktibidad aron masayran kung unsa ka andam ang militar ug kapulisan nga nagabantay sa tanang mga checkpoint.

Ingon man aron masayran ang ka-andam sa BJMP, Bureau Of Fire Protection, Crisis Management Council ug uban pang ahensya.
Dugang pa ni Col. Bajao, nga ilaha ng gipananghid ang laing lock down rehearsal sa mga lugar nga wala pa nila napahigayunan.


Nanawagan man usab kini sa mga opisyal sa barangay nga kung mamahimo, magpahigayon usab ug lock down sa mga minor roads, gumikan sila sa militar ug kapulisan ang kaya lang nilang i-lock down mao ang mga major entry ug exit roads sa dakbayan.

Samtang sa kabahin ni Atty. Arnel Zapatos, ang City Administrator nga adunay pagtugot gikan kang GenSan City Mayor Ronnel Rivera ang maong drill.

Kung asa gipakanaug ang mandato ngadto sa Crisis Management Council sa pagpanguna ni Dr. Bong Dacera ang action office sa City Disaster Risk Reduction and Management Council. (Lore Mae Romualdo)

Facebook Comments