Davao City – Dili kumbinsido ang Center for Political and Democratic Incorporated sa lockdown nga gipatuman ni Pangulong Rodrigo Duterte sa National Capital Region.
Gibutyag ni Executive Director Professor Clarita Carlos, daghag buslot ang protocol sa lockdown nga gi-patuman sa tibuok Metro Manila nga gi-anunsiyo ni Presidente Duterte.
Segun ni Professor Carlos, magkaguliyang ang katawhan sa kaulohang Maynila tungod dili klaro ang mga guidelines sa lockdown nga mu-epekto na sa petsa 15 karong bulana hatud sa Coronavirus Disease 2019.
Ang dili klaro sa Professor ug kun may sweldo ba ang mga trabahante bisan og dili sila magduty gumikan sa lockdown ug kun rasyonan pod ba sila og pagkaon sa kagamhanan.
Gikanayon ni Professor Carlos nga kun ugali mapakyas ang gobyerno sa paglatag og protocol guidelines sa lockdown sa hinanaling panahon basin dili malikayan nga magpanic buying ang katawhan.
Ang labing luoy mao ang mga yanong lungsusanon kansang walay kapasidad magpalit og mga pagkaon ug sigurado ang mga dato ra usa bang magdagsa mga merkado ug mga grocery aron mangumpra.
Aminado ang Professor nga dako unta’g katabang ang lockdown sa pagsanta sa pagkuyanap sa COVID-19 apan tungod walay klaro ang protocol may dakong posibilidad magguliyang ang mga tawo sa kaulohan.
Busa sugyot niini sa kagamhanan mao nga sundon ang clear, consistent, ug coherent kun tulo ka “C”aron may direksiyon ang publiko sa angay nilang himoon ugali magka- lockdown na ang tibuok kaulohan.
Matag napulo ka minuto, gikinahanglan maghatag og katikaran ang gobyerno sa media outlets aron ang mga tigbalita makahatag sab og impormasyon sa katawhan aron mawala ang ilang kabalaka.
Importante usab dunay number ang gobyerno nga puwede matawagan ug dunay tawo makatuka apan kabalo mutubag ug dunay sa’y istratihiya gamiton aron mabatukan ang mga sayop nga impormasyon nga manggawas.
Dugang ni Professor Carlos, ang spokesperson dapat kalma apan makadani og tingog ug medical expert sab aron dili mahadlok ang mga tawo nga mudangop kun mangutana labot sa dagan sa lockdown.
RadyoMaN Joel Viray
