Davao City – Giklaro sa Provincial Government of Davao de Oro nga walay kamatuoran ang mikatag nga impormasyon labot sa plano’ng pag lockdown sa entero probinsya sugod karong bulana, bulan sa Disyembre.
Sa advisory sa lokal nga panggamhanan sa ilang official Facebook page, gibutyag niini nga ‘fake news’ ang mahitabo nga lockdown sa Davao de oro karong Disyembre hangtud Enero sunod tuig taliwala sa holiday season, gawas lang kung kini imando sa Inter-Agency Task Force (IATF).
Pahinumdom sa LGU-Davao de Oro nga magpabili’ng abri ang probinsya ug kinahanglan lamang nga istrikto’ng sundon ang safety protocols batok Coronavirus Disease 2019 (COVID-19) partikular na ang guidelines sa Executive Order No. 0082.2020 ug ang minimum health standards nga ginapatuman.
RadyoMaN Kirby Manzon
