Davao City- Gipakusgan sa City Government of Davao ang mga inisyatibo aron mabakunahan kontra COVID-19 ang mga Indigenous People (IPs) sa dakbayan.
Sa interview sa RMN Davao kang Dra. Josephine Villafuerte, Davao City Vaccination Cluster head, sa pakig-alayon Sangguniang Panlungsod (SP) pinaagi sa mobile vaccination mapaabot ang mga COVID-19 roll out ilabina sa mga far-flung barangays sa syudad.
Nakigkoordinar ang syudad sa mga head sa IP nga nakatutok usab sa roll-out sa COVID-19 vaccine aron mapasabot sa komunidad ang importansya sa bakuna.
Samtang, nagkadaghan sa Badjao community ang nidawat sa bakuna, diin sa vaccination roll-out nga gipahigayon sa People’s Park, 252 ka mga Badjao ang nabakunahan sa first dose ug 36 sa second dose.
RadyoMaN Aimee Guinita
