Davao City – Nitunol og ayuda ang City Government of Davao sa pamilya sa 16 anyos nga kinsa giingong gilugos patay.
Gibutyag ni Davao City Mayor Inday Sara Duterte-Carpio nga muasister ang lokal nga panggamhanan alang sa haya ug pagpalubong sa biktima.
“Nag-adto na atong CSSDO sa pamilya to assist them sa lamay, ang City Mayor’s Office nag-adto na sab didto to assist them para sa haya og lubong,” matud sa mayor.
Gisulti sa alkalde nga ang kapulisan sa dakbayan padayong nitutok sa maong kaso aron mahatagan og hustisya ang kamatayon sa dalagita.
“Ang atong Davao City Police Office already instituted the charges didto sa suspek. Continuing ang ilang investigation kung aduna pa may laing suspek but so far katong ilahang nadakpan mao tong ang adunay mga daghang witnesses nga muingon nga siya,” matud niini.
Kasong rape with homicide ang giatubang na karon sa gitudlong suspek nga si James Narte diha sa paglugos-patay sa dalaga.
RadyoMaN Aimee Guinita
