Arestado ng Philippine Drug Enforcement Agency (PDEA) ang isang 62 anyos na babae sa Ninoy Aquino International Airport (NAIA) Terminal 3 matapos na magtangkang ipuslit ang dalawang kilo ng shabu.
Ang suspek na si alyas Aida na pa-biyahe patungong Bacolod City ay hinuli sa isang operasyon ng NAIA Inter-Agency Drug Interdiction Task Group kaninang ala-una ng hapon.
Narekober sa kaniya ang isang hand-carry baggage na may kahong naglalaman ng dalawang kilo ng hinihinalang shabu, na tinatayang nagkakahalaga ng ₱13.76 million.
Nakumpiska rin kay alyas Aida ang kaniyang cellphone, digital weighing scale, travel documents, at identification cards.
Mahaharap si alias Aida sa paglabag sa Article II ng Republic Act No. 9165, o Comprehensive Dangerous Drugs Act of 2002.
