Roxas City, Capiz- Isa ka 69-anyos nga tigulang ang natigayon nga makuhaan sang wallet nga may unod nga kwarta samtang nagapamalaklon sa isa ka mall (Gaisano) sa Arnaldo Boulevard, Roxas City sang nagligad nga adlaw.
Ginkilala ang biktima nga si ERLINDA BORDONES Y TEÑOSO sang Brgy. Marita, President Roxas, Capiz. Sunod diri nga samtang nagapili ini sang bayo sa garment section sa sulod sang mall mga alas 12:30 sang hapon, may duha ka mga babaye nga nagpalapit kag nakig-estorya sa iya.
Ginpahayag sang duha ka mga babaye nga “kon magbakal sang bayo, nagakadapat nga pilion gid ang maayo nga klase.” pagkaligad sang pila ka minutos nakibot ini sang iya matalupangdan nga nadula na ang iya wallet nga naipit sa iya kili-kili.
Natigayon nga mataban sang wala makilala nga mga suspek ang cash nga ginabulubanta P6,000 lakip ang mga ID sang biktima.
