Lola nabanggaan sa multicab, patay

114

Davao City- Dead on arrival sa Southern Philippines Medical Center ang usa ka senior citizen human nabanggaan og multicab sa may Kilometer 12, Sasa ning siyudad sa Dabaw.

Wala na maabot nga buhi sa SPMC ang biktima nga giilang si Maria Luz Devibar, 66 anyos, byuda, ug nagpuyo sa Suha Village, Km. 12, Sasa human nabanggaan sa multicab nga gimanehoan sa usa ka Gil Abello, 63 anyos, minyo, mag-uuma ug residente sa Apokon, Tagum City, Davao del Norte.


Subay sa report, patabok na unta ang biktima dihang mibangga kaniya ang naghaguros nga multicab nga gimanihoan sa suspek pasado 4:30 sa kadlawon.

Daling miresponde ang Central 911 Medic Team apan di malas kay patay na ang biktima.

Tingkagol na karon ang driver samtang gihikay na ang kasong reckless impudence resulting to Homicide batok kaniya.

RadyoMaN Joel Viray



Facebook Comments