Davao City- Nagyawyaw ang usa ka 60 anyos nga lolo atubangan sa mga pulis rason nga wala ka pugong tungod sa iyang kasuko human gibunalan og kahoy alas 7:40 kagabii natigayun sa Brgy. 23-C Quezon Boulevard ning dakbayan.
Base sa blotter San Pedro PNP, naila ang biktima nga si Danilo Alison samtang ang suspetsado ginganlang Emie Joy, hingkod ang edad, pariho nagpuyo sa nasampit nga lugar.
Saysay pa sa biktima, igo lang siya nakig istorya ngadto sa suspek niadtong tungora ug dayun mibunal hinungdan ang biktima nakaangkon og grabe nga bun-og sa nagkadaiyang parte sa iyang lawas partikular sa tuo nga bahin.
Human sa panghitabo, ang biktima igo nalang sa pagdangop sa presinto sa kapulisan aron kini niya paimbestigahan hinuon gi-adbaysan nalang sa kapulisan nga magpatambal sa Southern Philippines Medical Center samtang ang kaso giduso na sa barangay level.
RadyoMan Don Pulayao
