Davao City – Dead on the spot ang usa ka lolo human kini gipusil-patay sa wala mailhing mga mamumuo alas 8:00 kagabie nahitabo sa Sitio Mahaliang, Brgy. Salaysay, Marilog District.
Sa ekslusibong pakighinabi sa DXDC RMN Davao kang Brgy. Salaysay Kapitan Robert Itdang, anaa sa gihapon nagbuy-od hangtod karon kung asa gipusil si Licasio Cabinilla, 69 anyos, lumulupyo sa maong barangay.
Sumala pa, gibato matud pa ang panimalay sa maong biktima rason nga nigawas kini aron sutaon apan sa gibana-banaang 20 ka metros gikan sa panimalay niini kalit lamang siyang gipusil gamit ang shotgun tumong sa kuto-kuto nga bahin.
Sa pakighinabi ni Kap. Itdang sa pamilya sa maong biktima, nasayran nga walay kabikil ang maong biktima.
Gani plano karon sa pamilya niini nga paimbestigahan ang maong insidente aron sa pag-ila sa gibana-banaang anaa sa tulo ka mga suspetsado kinsa daling miikyas pa-Norte nga bahin human sa panghitabo.
Kuhaon alas 9:00 sa kabuntagon sa Angel Funeral Homes-Calinan ang maong lawas samtang paingon pa karon ang kapulisan sa maong incident area.
RadyoMaN Jason Amisola
