Sindangan, ZDN-Padayon pa karon nga nagpatambal sa ospital ang usa ka biktima human kini gikaingon nga nasunog sulod mismo sa iyang pinuy-anan didto sa may brgy. Nipaan lungsod sa Sindangan kagahapong adlawa, mga 10:33 PM.
Ang biktima mao si Braulio Palaran, 72 anyos ug gituohang gisunog kini sa iyang Live-in Partner nga si Bonifacia Bandal pulos kini sila taga barangay Nipaan.
Sa pag imbistiga sa kapulisan sa Sindangan nasayran nga ang anak niini nga babaye sa biktima mitawag kini sa iya sab nga igsuon nagpahibalo nga ang ilang papa gituohang gisunog.
Una niana gikabutyag sa anak sa biktima nga ilang nadungog nga mag lalis kini iyang papa ug ang live in partner nga si Bonifacia. Pipila lang ka minuto ila nalang nakita nga gilamoy na sa kalayo ang balay sa iyang papa.
Daling gisusi sa mga anak ug didto nahegada kini sa sulod nga nasunog halos ang tibuok lawas sa biktima.
Sa pagresponde sa PNP Sindangan uban sa taga Bureau of Fire wala na didto sa Bonifacia Banda lug karon gipangita na kini aron masayran ang motibo ug kun ma kalambigitan pa ang live-in partner sa nahitabong sunog.
