Napalgan nalang nga walay kinabuhi ang usa ka biktima didto sa may Brgy. Polayo, sakop sa lungsod sa Siayan ning probinsya niadtong adlawng sabado.
Ang biktima naila nga si Felixberto Temebro Mahusay, 76 anyos, usa ka mag-uuma nagpuyo sa nahisgutan nga dapit ug matod pa naghunos kini sa iyang kaugalingon.
Sa nahipos nga impormasyon sa kapulisan sa lungsod sa Siayan nasayran nga ang maong insidente nahitabo kini 7:00PM kapin kun kulang niadtong adlawng byernes.
Butyag pa sa iyang asawa nga si Arcely Agusto Mahusay, 68 anyos, aduna matod pa sila wala pagkasinabtanay ug hinungdan nga naghikog pinaagi sa pag inom sa hilo nga Zinc Phosphide.
Bandang 12:05AM adlawng sabado ang silingan nila nga si Heremias Molas naka dungog nga nangayo ug tabang tungod kay gisakitan ug tiyan apan sa dihang pag abot sa balay sa biktima nagbay-ad na kini sa salog.
Gisulayan pa unta ug dala sa Siayan RHU apan gibugtuan na kini sa iyang hinulamang kinabuhi.
Sa pagkakaron anaa na gipahiluna ang patayang lawas sa biktima sa iyang mga kabanay.
