Bukog nalang sa senior citizen ang naabtan sa mga tinugyanan sa balaod ug mga kaliwat niini human naghikog pinaagi sa pagsunog sa iyang kaugalingon didto sa Brgy. Fatima, sakop sa lungsod sa Salug.
Giila ang biktima nga si Edwin Renacia, 61 anyos, residente sa brgy. Galas ning dakbayan sa Dipolog.
Butyag pa ni PEMS Alexander Lozada, ulahing kining nakit-an niadtong adlawng sabado nga nagbitbit ug 2 ka gallon nga gasolina, nga maoy gituohang gidadab sa iyang kaulingon.
Nasayran usab gikan sa iyang kaipon nga si Myrna Dinokot, ang biktima aduna kini sakit nga stroke ug kini ang iyang nakita nga hinungdan kun nganong nagpakamatay ang nahisgutan nga lolo.
Samtang prisohan ang gitugpahan sa duha ka lalaki human nasikop sa mga pulis didto sa Brgy. J.P. Brillantes, Siocon, ZDn.
Giila ang mga nadakpan nga sila si Victor Asilo, 39 anyos, nga taga Pob. Siocon ug si Reynaldo Asilo, 74 anyos, taga Brgy. J.P Brillantes.
Nadakpan kini sila tungod sa illegal nga pasugal sa swertres.
Moabot sa tag 20mil nga pyansa ang gitagana sa korte bugti sa ilang temporaryong kagawasan.
