VICTORIAS CITY – Patay ang isa ka 82 anyos nga lolo matapos ini ang nagsulod sa isa ma pension house upod ang isa ka GRO.
Suno kay PSupt. Herman Garbosa nakilala ang lolo kay Rodolfo Azucena sang Hacienda Carugiat, Barangay 13.
Las 12:30 sang nadiskubrehan ang insedente ni Aileen Taboada, caretaker sang Custodio Lodge nga nahamtang sa Ditching Subdivision, Barangay 5. Iya gintuktok ang kwarto bangod naglapaw na ini sa tatlo ka oras.
Las 9 sang aga kaina sang nagsulod si Lolo Rodolfo sa amu nga lodging house upod ang isa ka GRO nga ginkilala kay Grace nga nagatrabaho sa isa KTV Bar sa Bangga Daan.
Wala na nakit-an si Grace sang ginsulod ini sang caretaker kag ginpatawgan sang pulis.
Post mortem ang patigayunon sang mga otoridad, apang nagaguwa nga posibli gin-atake ang lolo sa korason bangod wala man sang pilas nga nakit-an sa iya nga lawas.
