Davao City- Patay ang lawas sa usa ka lolo kinsa napalgan alas 9:00 sa buntag didto sa baybay sa San Miguel Village Brgy.Brgy Centro Agdao siyudad sa Davao.
Base sa report gikan Sta Ana Pnp naila ang biktima usa ka Gerrardo Abong residente sa San Francisco Village sakop sa nahisgutang barangay.
Sa imbestigasyon nga gilusad sa kapolisan, sumala pa sa asawa sa biktima nga si Lucena Abong nga kanunay nagreklamo ang iyang bana gumikan kay dunay gihambing nga balatian sa dughan ug aduna usab kini kidney failure.
Dugang pa niini nga kanunay ginahimo sa biktima human ug panihapon naga-adto kini og baybay aron maligo apan ginapugngan kini sa asawa gumikan duna kini balatian ug nagaluya na maong nakurat nalang ang pamilya human nadiskubrehan nga napalgan na nga nagbuy-od ang biktima nga wa nay kinabuhi.
Giklaro sa asawa sa biktima nga walay foul play ang kamatayon sa iyang bana ug posibleng giataki sa iyang sakit samtang naligo hinungdan sa pagkalumos ug nataymingan nga walay tao niadtong dapita.
Ang patayng lawas sa biktima gidala na sa Rivera Funeral Home ning dakbayan sa Davao.
RadyoMaN Don Pulayao
