Lolo nga isog kag nagapalupok kon may may nagahampang basketball dakop

BACOLOD CITY – Ginahanda na karon ang kaso nga igapasaka batuk sa isa ka lolo nga nakuhaan sang armas nga nagalupok kag mga bala sa iya balay sa Doña Juliana Heights, Brgy. Taculing, ciudad sang Bacolod.

Ang suspek nga si Dalmacio Sua-an, 75, pumuluyo sang amo nga lugar ang natalana nga pasakaan sang kaso nga violation sang Republic Act 10591 ukon Comprehensive Firearms and Ammunitions Regulations Act.

Ini matapos nga ginreklamo si lolo sang iya mga kaingud sang balay nga nagapalupok sang armas ilabi na gid kon may mga tawo nga nagahampang sang basketball nga yara sa gwa sang iya balay.


Sa pagpadulong sang mga katapo sang Police Station 6 sa balay sang suspek, ila na recover ang isa ka calibre .45 nga armas .22 rifle kag kapin 54 ka mga bala.

Sang gin-usisa si lolo Dalmacio ini nagpakilala pa nga miembro sang InterPol kag Royal Police./dyHB BACOLOD

Facebook Comments