Davao City – Priso karon sa Buhangin PNP ang usa ka lolo human nakatigbas og babaye sa may Mandug Buhangin ning dakbayan alas-4:00 sa hapon gahapon.
Gitigbas ni Jasmin Salientes, 76 anyos, byudo ug residente sa Barangay Cabantian si Janneth Otadoy, 42 anyos, minyo, ug nagpuyo sa DDF Village, Barangay Mandug gumikan sa bangi sa boundary sa yuta.
Upat ka samad tinigbasan ang nahiagoman ni Otadoy mao dali kining gidala sa Southern Philippines Medical Center.
Dali usab nakaresponde ang Buhangin PNP ug nasikop ang suspek diin nakuha gikan kaniya ang bolo nga maoy gigamit sa pagtigbas kang Janneth.
Karong adlawa, pasakaan og kaso ang nasangpit nga lolo tungod sa kalapasan sa Omnibus Election Code ug pagpanigbas samtang nagtingkagol na sa selda sa Presinto 5 ang suspek.
RadyoMaN Joel Viray
