Lolo nga ni-molestya sa iyang apong minor, arestado

Human mangayo ug pakitabang sa DXDC RMN Davao ang biktimang minor de edad sa pagpangabuso sa iyang apohan hinay-hinay nang niligid ang hustisya human sa pila ka tuig nga pinaabot.

Nagtingkagol na sa Ma-a Police Station ang suspek nga si alyas Roger 63 anyos, apohan sa biktima ug nagpuyo sa Kristina Village, Matina Aplaya ning syudad sa Dabaw human dakpa tungod sa Warrant of Arrest sa kasong kalapasan sa R.A. 7610 sec. 5 Acts of Lasciviousnes.

Kahinumduman nga mireklamo ang menor de edad nga si alyas Aiza 11 anyos human gimolestya sa iyang lolo sulod sa pinuy-anan sa iyang mga apohan sa Matina Aplaya niadtong 2018.

Nidangop sa DXDC RMN Davao ang banay sa inahan sa biktima human ang amahan sa minor de edad wala magpakabana sa kasong pagpangabuso nga ang suspek iyang amahan.

Nanumpa ang inahan sa minor de edad kansang ofw nga dili gayud sila magpa areglo tungod kay hustisya ang iyang buot makab-ot human giunay sa iyang ugangang lalake ug abuso ang iyang anak nga dalagita nga karon nag edad na ug 17 anyos.

Radyoman Erin Lumosbog