Sa interbyu sa DXDC RMN Davao kang Brgy. Sibulan, Toril Kapitan Christine Rose Abalayan, human migawas sa inbestigasyon sa kapulisan nga ang suspek sa mangilngig nga krimen ang apohan nga si si Erinio Limocon Ado, 60 anyos gitaktak na kini sa pagka-barangay tanod.
Gibatbat ni Abalayan, walay luna diha sa barangay ang mga adunay bug-at nga salaod tungod kay wala siya nagkuwang sa pagdisiplina kanila.
Sagpa sa ilang barangay nga inay protektahan ang ilang constituents, ang adunay katungdanan na hinoon ang ni among-among og inosenteng kinabuhi.
Gibutyag ni Abalayan, iyang paryente ang suspek nga lolo, apan wala gayud niya kini gikonsenti ilabina nga bug-at ang nahimong krimen niini.
Gisaysay niini, kababata usab niya ang inahan sa biktima busa gipaningkamutan niya nga matunol ang hustisya ug makauli ang inahan nga nanimpalad sa Kuwait.
RadyoMaN Aimee Guinita
