Ang biktima nailang si Amando Pociano, 60 anyos, residente sa Purok 3, Manay, Panabo City.
Sa post sa kabanay niini, nag-bike ang senior citizen aron mangita og buyer sa iyang ginabaligyang saging, apan kalit ra kini nabanggaan sa mga motor sa maong dalan.
Sa interbyu sa DXDC RMN Davao kang Police Major Adelon Kaakbay, Chief of Police (COP) sa Panabo Police Station, nagpahambogay matud pa ang duha ka mga nag-motor nga mga batan-on, residente ra usab sa maong lugar, sa dihang ilang nabanggaan ang nagbisekleta nga biktima.
“Naghabolan sila sa motor. Accidentally, nasagi nila ‘yong matanda. Una ‘yung vehicle 2 tapos ‘yung vehicle 1 hanggang nasagasaan nila ‘yong matanda. Walang racing na nangyari,” sulti ni Kaakbay.
Matud sa pulis, nagkasabot na ang mga kampo sa barangay level.
Nadala pa sa tambalanan ang biktima apan gibawian ra usab kini sa iyang kinabuhi.
Daghang netizens ang mibatikos sa mga nakabangga sa senior kay matud pa daghang mga motor ang nagalumba sa maong lugar.
RadyoMaN Kirby Manzon
