Sikop sa kapulisan sa lungsod sa Katipunan ang usa ka lolo kinsa adunay kaso pagpanglugos human masapon sa gipahigayon nga manhunt operation didto sa Barangay Miatan sakop sa lungsod sa Katipunan.
Ang suspetsado giila nga si Isabelo Beñalan alyas “Deloy Beñalan”, 62 anyos ug molupyo sa Barangay Sinuyak sakop sa nahisgutang lungsod.
sa nahipos nga impormasyon sa Katipunan MPS, nasayran nga nagpahigayon ug manhunt operation didto sa Barangay Miatan bitbit ang warrant of arrest gikan sa sala ni Presiding Judge Rogelio D. Laquihon sa Regional Trial Court 9th Judicial Region, Branch 7, alang na sa pito ka ihap sa kasong pagpanglugos.
Gikabutyag ang person of interest ang mi-unay ra usab sa pagpanamastamas sa iyang hinablos.
Kasamtangan karon nagtingkagol sa mabugnaw nga rehas ang dinakpan aron sa pagserbisyo sa salaod nga iyang nahimo.
