Dead on Arrival sa pagamutan ang Isang otsentay tres anyos na lolo matapos itong aksidenteng magulungan ng Isang pick up truck nang matumba sa kanyang pagbibisikleta sa bayan ng Mangatarem.
Ang biktima ay nakilalang si Alejandro Ayeras residente ng Brgy. Torres Bugallon habang ang driver ng pick up ay nakilalang si Jansen Castro residente ng San Carlos City.
Lumalabas sa imbestigasyon ng PNP na naganap ang aksidente pasado alas siyete ng gabi sa intersection sa Brgy. Lopez ng bigla umanong matumba ang biktima sa kalsada at sa kasamaang palad ay nagulungan ng pick up na sa mga sandaling iyon ay patawid din ng nasabing kalsada.
Bunsod nito ay nagtamo ng matinding sugat sa ibat ibang bahagi ng katawan ang biktima na agad namang naisugod sa pagamutan subalit idineklarang Dead on Arrival habang dinala sa himpilan ng PNP ang driver ng pick up. |ifmnews
Facebook Comments
