Panit-an, Capiz – Walo ka mga balay ang partially damaged matapos magpanalasa ang ginapatihan buhawi sa Barangay Enseñagan, Panit-an, Capiz alas 8:30 sang nagligad nga gab-i, Nobyembre 20, 2017.
Base sa pagpahayag sang mga residente, gulpi na gid lamang nga nagtuhaw ang amo nga buhawi. Una nga nakabati ang mga ini sang pagpanihol sang hangin kag sang magguwa sila sa ila balay nagapanalasa na ang nasambit nga buhawi. Naglawig ang pagpanalasa sang buhawi kag ginsundan ini sang ulan nga may dala nga panagu-ob kag pagpangilat
Ginpanglupad sang hangin ang mga bubong sang pila ka mga balay, may mga puno sang kahoy nga natumba kag nabali ang mga sanga. Ginatul-id pa sang Panit-an Municipal Disaster Risk Reduction and Management Office (MDRRMO) ang kabug-usan nga kahalitan sang nasambit nga buhawi.
Bantayan ang dugang nga detalye DYVR RMN Roxas
*(Photo from: Panitan Mdrrmo)*
