Human mibangga kagabii an isa ka honda wave motorcycle sa isa ka passenger bus na ija sa Quiapo Bus Line sa National highway nan Brgy Quezon alas 6:25 an oras, nakilay-an an mga biktima na namatay sa aksidente na sila si Jerry Jamora Mopal, 35 anyos og Arnel Montilla Albero,16 anyos sanan an mga nadaya sa ospital na samaran isab na angkas niini inkilay an na sila si Rodrigo Masili ,21anyos sanan Rj Boy Golindang Cacao,20 anyos, mga residente nan brgy. Mapawa Surigao City. An driver isab sa Quiapo bus line na si Jerry Villanueva Repolda iban sa conductor og 29 kabuok na mga pasahero sa bus na mopasingod unta sa Davao an jaun sa luwas na kahimtang. Kahinumdoman na base sa imbestigasyon nan mga otoridad gikan sa brgy trinidad an mga biktima og sa ila pagpauli subay sa national highway nan brgy. Quezon nasugat niini an bus passenger na pasingod isab sa direksyon pa Davao sanan kalit sila mibangga sa amo na pampasaheroang bus. Sa nasayran na human sa ngilngig na aksidente dali na mireport sanan misurender an bus driver sa Sison Municipal Police Station sanan kuman padajon na tag imbestigahan nan Surigao City Police Station.( RadyoMaN Jerson Fuentes)
