Roxas City, Capiz – Masobra sa 85, 000 ka doses sang tatlo ka nanari-sari nga bakuna kontra COVID-19 ang nag-abot sa probinsya sang Capiz kahapon nga adlaw sang Martes, Noviembre 2, 2021.
Ang mga nag alabutan nga bakuna kontra COVID19 ang ginkalakipan sang 30,000 doses sang SINOVAC CoronaVac; 35,100 doses sang PFIZER BioNTech kag 20,000 doses sang GAMALEYA Sputnik V.
Ang ika- 36 nga batch sang bakuna nga nabatun sang probinsya halin sa gobierno-nasyonal nga ginpaagi sa Department of Health(DOH) ang igapartinisir para sa pagbakuna sa mga priority groups kaangay sang A1 ukon mga Frontline Health Care Workers lakip na ang mga OFWs; A2 ukon mga Senior Citizens; A3 ukon mga Adults and Children with Comorbidities lakip na ang mga nagabusong nga kababainhan; A4 ukon mga Essential Workers pareho sa Public kag Private Sector; A5 ukon Indigent/Poor Population kag nabilin sang mga Adult Population.
📷 – PHO
