Syudad sang Iloilo-Nagpaggwa sang Memorandum Circular no. 17-02 si Acting City Mayor Jose Espinosa III agud ipahibalo nga ginauyatan na niya ang tanan nga poder, katungdanan kag functions sang isa ka alkalde.
Ginsiling ni Espinosa nga ang iya pag-assume nabase sa Sec. 455 sakg RA 7160 ukon Local Government Code.
Ini nagatumod nga sa ti-on sang temporary vacancy magaassume bilang acting mayor ang bise alkalde kag makalipas sang 30 calendar days makafunction na ini bilang full-pledged nga alkalde.
Matandaan nga Setyembre sang nagfile byahe sa Japan kag Malaysia si Mayor Jed Patrick Mabilog agud magtambong sang conference.
Setyembre 11 nagfile ini sang sick leave agud makapabulong sang iya diabetes kag iya ini gin-extend sugod Oktobre 1 paagi sa pagfile sang indefinite leave of absence.
Ang indefinite leave ni Mabilog resulta sang mga pamahog sa iya kabuhi matapos makapila ginsulit ni Pres. Rodrigo Duterte nga mabuhi ayhan ang alaklde kun diri sa syudad sang Iloilo i-assign si C/Insp. Jovie Espenido ang ginbansagan nga “butcher” sang mga ginatudlo ni Pres. Duterte nga narcopoliticians.
Si Mabilog ang makapila ka beses nga gin-akusahan ni Duterte nga drug protector apang wala naman sang pormal nga kaso nga napasaka batok sa alkalde.
