BAROTAC VIEJO – Naguba ang 6 ka balay sa banwa sang Barotac Viejo, Iloilo matapos nagpanalasa ang buhawi pasado alas 2:00 Huwebes sang hapon, Oktubre 3.
Suno kay Barotac Viejo Mayor Nielo Tupas, base sa ila inisyal nga impormasyon, duha ka balay ang totally damaged samtang 4 ang partially damaged.
Dugang pa ni Tupas nga nagpanalasa ang buhawi halin sa Sitio Kanitu-an , Barangay Dela Peña kag sa Sitio Nangka, Barangay California, Barotac Viejo.
Maswerte naman nga wala sang may napilasan nga mga residente apang kapin 200 naman ka mga bibe ang napatay matapos gin-igo sang buhawi ang isa ka poultry house sa barangay Dela Peña.
Nagpasalig naman ang LGU sang Barotac Viejo nga magahatag sang bulig sa mga residente nga nagub-an sang balay.// MT
Photo via Rex Bance
