Cuartero, Capiz – Ginsakwat sang mga residente ang bangkay sang tatlo ka mga katapo sang NPA, humalin sa ginluntaran sang engkuwentro, sa ibabaw sang bukid padulong sa proper sang Sitio Tigpaka Dako, Brgy. San Antonio Cuartero, Capiz.
Gamit sang mga residente ang sako kag kahoy nga amo ang ginkargahan sa mga bangkay kag gintuwangan-tuwangan agud madala sa proper kun sa diin nagahulat na ang salakyan sang punerarya nga pagakargahan sini pakadto sa banwa.
Una nga ginsakwat sang mga residente ang bangkay ni Felizardo Lumawod Cerilo alyas Ka Bong, ginsunod ang kay Federico Diaz alyas Ka Val kag Felizardo Lumawod Cerilo alyas Ka Bong.
Naka-abot sa Galino Funeral Homes ang tatlo ka mga bangkay pasado na ala 1:00 kahapon sang hapon. Sa madumduman nga napatay sa engkuwentro Sadtong adlaw sang Martes ang tatlo ka mga katapo sang New Peoples Army matapos nag-angkon sang madamo nga igo sang bala sa ulo kag nagkalain-lain nga bahin sang lawas.
(c) Radyoman Jessie Llegue Mendoza
