Temporaryo una nga gi deposito ang armas de fuego ngadto sa La Libertad MPS kini human nga nakuha sa mga pulis ang napaso nga lisensya sa armas sa ilang gipahigayon nga OPLAN KATOK ngadto sa mga naghupot ug mga lisensyadong armas apan expired na.
Nanguna sa pagbisita sa panimalay si SPO1 Jose Dante ug tulo pa ka kauban niini didto sa Barangay Pob. Lungsod sa La Libertad ning probinsya partikular sa pinuy-anan ni Germogenes Cobreto Aldojesa Jr. ug gipakita ang notice letter nga napaso na kini ug kinahanglan nga I renew.
Sa pagkakaron ge konsidera kining Loose FA’s (Bilang Boga) human na expired niadtong Marso 24, 2016.
Gihangyo sa mga tinugyanan sa balaod nga I deposito una ang iya armas samtang wala pa kini bag-ong papeles.
Hinuon boluntaryo niya kining gi tahan ngadto sa kapulisan sa maong lungsod, ang kalibre 45 adunay SS nr. E01138876, usa ka magazine ug pito ka mga buhing bala.
Nag awhag usab ang kapulisan sa maong lungsod kun si kinsa kadtong adunay mga armas nga wala pa na renew, temporaryo una nilang I deposito sa ilang buhatan samtang kamulo pa ang pagproseso sa ilang tagsa-tagsa ka mga armas.
