Sigma, Capiz- Apat ka mga armasluthang ang ginturn-over sa mga kapulisan sa banwa sang Sigma ala una sang hapon.
Pinaagi sa bulig nanday Kapitan Melvin Caporal kaupod si Kagawad Edgar Caporal kag Kagawad Ronnie Vellarde sang Brgy. Pari-an, Sigma, Capiz, boluntaryo sang mga ini nga ginturn-over ang isa ka .45 caliber pistol, isa ka homemade 12-gauge shotgun, isa ka .38 caliber revolver kag isa ka caliber .22 revolver.
Nahibaluan nga ang nasambitan nga mga armasluthang ang boluntaryo man nga gin-turn over sa ila sang pila ka residente sa ila barangay.
Ang amu nga accomplishment sang Sigma PNP ang kabahin lamang sang kampanya sang kapulisan nga ginatawag “Bilang Boga Operation 2018” kag Tokhang Kontra Ginadumilian nga Pusil.
photo © Sigma MPS
Facebook Comments
