Roxas City, Capiz- Gin-aprisyar sang bag-o nga provincial director sang CPPO nga si PSSupt Canilo Fuentes ang nangin accomplishment sang Capiz PNP angut sa pag-implementar sang “Tokhang Kontra Guinadumili-an nga Pusil”.
Kabug-osan nga 621 ka assorted loose firearms, 144 mga bala kag lima ka assorted explosives ang boluntaryo nga gin-surrender sa mga kapulisan sa Capiz.
Sa 621 ka bilog, 399 ka mga armasluthang ang gin-surrender sang mga gun owners para sa safekeeping samtang ginaproseso ang ila aplikasyon para sa renewal of License to Own and Possess Firearm (LTOPF) kag firearms license.
Ang Tapaz PNP ang may pinakadamo sang nag-surrender sang armas nga naglab-ot sa 190, Mambusao PNP nga may 48, Panay PNP nga may 46, Panitan PNP nga may 42, kag Roxas City PNP nga may yara sang 39.
Sa madumdoman, dululongan nga ginlunsyar sa bilog nga rehiyon ang Tokhang Kontra Guinadumili-an nga Pusil sang nakaligad nga Hulyo 20, 2018.
© Tapaz PNP
