Davao City – Direktang gibasol karon ni ousted Environment Sec. Gina Lopez ang atong pagpasagad sa delikado na kaayong kahimtang sa atong kalasangan ug kaugmaon sa kinaiyahan.
Sa media interview, gisugilon ni Lopez nga matag higayon nga mokunsad na gani ang trahedya ug katalagman sama sa nahitabo bag-ohay pa lamang sa Itogon Benguet Province ug sa Tinaan, Naga City Cebu diin daghan ang gikatahong nakabsan sa kinabuhi, naangol ingon man missing ning tungora, katawhan gayud ang kanunay mamahimong makalolo-oy nga biktima niini.
“Mining is not a right, it is a privilege based on certain conditions… Whatever you do, you reap the results, you ruin the environment,” pagbahad sa kanhi kalihim sa hulga dala sa environmental destruction sa atong palibot ug sa atong kalikupan.
“95% of the minerals that we extract goes outside, to Japan, Australia and elsewhere…. Ang destructive (mining) ay ang large-scale, not small scale,” tubag ni Lopez sa argumento nga gikinahanglan sa atong ekonomiya ang mga big-time extractive industries sama sa pag-mina ug oro ug uban pang matang sa mga minerals.
“Quarrying operations must find another way…there are other (new) technologies sama sa agricultural wastes,” dugang sa kanhi opisyal sa gabinete.
Kahinumdoman nga mismong si Pres. Rodrigo Duterte kumbinsido sa urgency alang sa total mining ban human nga subling gitugaw ang atong seguridad sa mga natural calamities ug ecological disasters.
RadyoMaN June Duterte
