Lotto balik na sa mga GCQ ug MGCQ areas

30

Sugod karong adlawa, Biyernes, Agosto 7, balik na ang lotto operations sa mga lugar nga napailawom sa general community quarantine (GCQ) ug modified general community quarantine (MGCQ).


Sa public advisory sa Philippine Charity Sweepstakes Office (PCSO), apil sa mubalik mao ang Lotto 6/42, Mega Lotto 6/45, Super Lotto 6/49, Grand Lotto 6/55 ug Ultra Lotto 6/58.

Ang selling period sa ticket kay magsugod alas 7 sa buntag hangtod alas 8 sa gabii, samtang ang draw ipahigayon alas 9 sa gabii.

Giklaro ni PCSO General Manager Royina Garma nga suspendido pa gihapon ang tanang PCSO games sa mga lugar nga nagpabilin ilawom sa MECQ ug ECQ.

Dugang pa sa opisyal nga dili pa gihapon ibalik sa PCSO ang operasyon sa small town lottery o STL.

Facebook Comments