President Roxas, Capiz- Wala sang nakit-an nga foul ang mga kapulisan sa kamatayon sang 24-anyos nga lalaki nga gina-alegar naghikog sa Poblacion Campo, President Roxas, Capiz.
Ginkilala ang biktima kay “Jacer” residente sang nasambitan nga lugar kun sa diin nakit-an na lamang ang nagabitay sini nga lawas sa puno sang bayabas.
Gintinguhaan pa nga dal-on sa Bailan District Hospital ang biktima apang ini gindeklarar nga dead-on-arrival sang doktor.
Base sa pagpangusisa sang mga kapulisan, posible ang kapaslawan sa paghigugma ang nagtulod sang 24-anyos nga biktima nga utason ang kaugalingon nga kabuhi.
Ini bangud sa mga nakit-an nga baylohanay sang mga text messages sang biktima kag kahagugma sini.
photo grab from google.com.
Facebook Comments
