LOVE TRIANGLE? Driver patay matapos gintiro sang nakamotor sang nagpanaug sa jeep upod ang isa ka babaye

BAGO CITY – Patay ang isa ka driver sang depampasahero nga jeep matapos nga gintiro sini gid lamang nga aga sa Crossing Kamatis, Brgy. Sampinit, Bago City.

Nakilala ang biktima nga si Marlon Sixto, 37 anyos ang edad, pumuluyo sang Purok 13 y medya, Brgy. Taloc, Bago City kag isa ka driver sang depasahe nga jeep diri sa Bacolod.

Suno sa amay sang biktima nga pasado las 9:25 sini gid lamang nga aga, si Marlon kag ang isa ka babayi nga gin-identify gid lamang kay ‘Aiza’ ang nagpanaug halin sa Pulupandan-Bacolod nga jeep sa Brgy. Sampinit.


Sa amo nga lugar, may nagapundo na nga daan nga isa ka orange nga motorsiklo (Sports type) nga sakay ang driver sini kon diin hinali na lamang nga gintiro sang suspek ang biktima sang makaapat ka beses sa likod nga portion sang iya ulo.

Ang makatilingala lang amo nga pagkatapos sang insidente, ang upod sang biktima nga si Aiza ang nagpalapit sa motorsiklo sang suspek, nag-angkas diri kag gilayon nga nagpalagyo.

Angut sini, gin-ako sang amay sang biktima nga ang iya bata ang may yara sang iban nga babayi, samtang ang asawa niya sini ang nagabusong pa.

Gindala pa ini una sa Bago City Hospital apang gindeklara nga dead-on-arrival.

Narecover sa crime scene ang isa ka bala, isa ka baseyo kag magasin sang .45 kalibre nga pistola nga may tatlo ka bala./dyHB BACOLOD

Facebook Comments