Nanghunaw ang 22 anyos nga Engineer ug ang hinigugma niini nga si Resamie Cabañog 20, anyos sa pagpatay ug pagsunog kang Philippine Airforce Staff Sgt. Mark Herbert Oberes .
Sa interview sa DYHP ,matud ni Engr. Joshua Garciano, nga siya og iyang hinigugma nga si Resamie nga kanhi hinigugma ni Oberes nagsabot nga mag-estorya kabahin sa ilang personal nga isyu hinungdan nga naabot sa San Isidro Talisay ang biktima aron kuhaon si Resamie.
Gitug-an ni Resamie nga nakigbuwag na siya kang Oberes, butang nga wala madawat sa biktima.
Apan matud ni Resamie sa dihang nahinabi sa DYHP nga sa dihang ila nang nakit-an si Oberes, kalit lang dunay mga lalaki nga nikulata kang Oberes ug nipusil usab sa biktima.
Gibutyag ni Resamie nga ang maong mga lalaki mga kaila sa iyang inahan nga si Edna Cabañog.
Ang gitumbok nga nipatay sa biktima mao si Tomas Isugan sakop sa New Peoples Army kon NPA nga nakabasi sa Guihulngan Negros Oriental.
Gitug-an sa bag-ong manag-uyab nga ilang nakit-an nga gisakay ang patayng lawas ni Oberes sa sakyanan niini nga Suzuki Ertiga ug gipahiluna sa backseat samtang adtong higayuna ang mga suspek ug ang inahan ni Resamie nga si Edna sakay sa sakyanan ni Oberes.
Matud ni Resamie nga nahadlok ug nakalitan sila sa hitabo hinungdan nga nisakay kini sa Nissan Almeria ni Engr. Garciano ug nisunod sa Suzuki Van nga paingun diay sa Valencia Carcar aron adto tiwason ang kremin.
Samtang giinsister ni Engr. Garciano nga wala gyud siyay labot sa kremin ug tingoha niya nga makalingkawas sa kaso nga iyang giatubang.
Sa pikas bahin, lapad nga manhunt operation ang himuon sa Police Regional Office 7 batok kang Edna ug Isugan nga gituhuang nagtago-tago na sa Negros Oriental
Matod ni Chief Supt. Robert Guzman Quenery hepe sa PRO7 nga ang Negros Oriental Provincial Police Office ug kapulisan sa Sugbo lakip na ang Regional Special Operations Group 7 ang gitahasan nga molusad sa manhunt operation didto sa kabukiran sa Guihulngan Negros Oriental.
Sa pikas bahin nanawagan og hustisya ng pamilya ni Oberes, ug nanghinaut kini nga mataral ug masilotan sa hukmanan ang responsabli sa linoog nga kremin.
