Pagadian City, Zamboanga Del Sur- Nakabsan sa hinulamang kinabuhi alas 3:20 kaganihang kadlawon ang 45 anyos nga lalaki human kini gipusil sa wala mailing suspek alas 9:45 kagabii sa Purok Masinugtanon, Brgy Lala, Pagadian City.
Giila ang biktima nga si Jaime Hamboy negosyante og lumulupyo sa nahisgutang lugar.
Sa imbistigasyon nasayran nga gipusil ang biktima sa ulo samtang naglantaw og salida sa television,sulod sa iyang pinuy-anan.
Love triangle ang usa sa gituohang motibo sa maong pagpamusil, human nasuta nga adunay gikalambigit sa babaye nga singlemom sa ilang barangay ang biktima nga gisuportahan usab sa usa ka lalaki nga nagtrabaho sa abroad.
Padayon nga gilusad ang makuti nga operation sa kapulisan alang sa posibleng pagsikop sa suspek nga nika-ikyas human sa krimen.
Tags; Mel Coronel, Kenneth Bustamante, RMN DXPR Pagadian 603
