Davao City – Love Triangle ang gitan-aw nga anggulo karon sa Davao Del Sur Matanao Municipal PNP sa pagpusil patay sa maglive-in partner sa Kilometer 71 Barangay Sinawilan Davao del Sur pasado 11:00 sayo sa kaudtohon.
Gibutyag ni Police Regional Office 11 Spokesperson Police Chief Inspector Milgrace Driz nga misangko sa love triangle ang sentro sa imbestigasyon sa kapulisan sa Matanao nga posibleng maoy hinungdan sa pagluthang patay kang Gerry Diagan, Civil Security Unit sa Davao Del Provincial Government ug Flor Flores.
Suma ni Driz nga wala sab gipadaplin ang personal nga bangi sa imbestigasyon apan hinoon wala na palawmi sa opisyal ang ugat hinungdan sa love triangle nga anggulo sa krimen.
Kung mahinumduman, sakay sa motor ang mga biktima gikan sa Tres de Mayo Digos City ang duha apan pag-abot sa lugar kalit sila gipamusil sa duha ka armado resulta sa ilang kamatayon.
RadyoMaN Joel Viray
