Low Pressure Area nakasulod na sa Philippine Area of Responsibility

Nakasulod na sa Phlippine Area of Responsibility ( PAR) ang ang ginabantayan nga low pressure area (LPA).

Ulihi nga nakit-an ang LPA sa kalayuon nga 890 km East Northeast sang Guiuan, Eastern Samar alas 3:00 kaina sang aga.

Suno sa PAGASA, wala pa ini sang direkta nga epekto sa weather system sang pungsod.
Apang ang trough sang LPA ang magadala sang magulugal-umon nga kalangitan , isolated rain showers kag thunderstorms sa Visayas kag Mindanao.
Suno sa weather bureau, posible nga mangin tropical depression ang LPA masunod nga duha tubtob tatlo ka adlaw.
Sa tion nga mangin bagyo, ini ang pagatawgon nga “Dodong.”