Davao City – Walay garantiya nga mokunhod ang ihap sa mga minor-de-edad kun mga batan-on nga malambigit sa krimen kun pa-ubsan ang edad sa mga kriminal nga pasakaan og kaso.
Segun ni Philippine Mental Health Association (PMHA) Convenor Precious Manliguez nga wa’y kasigurohan nga kun pa-ubsan ang edad sa criminal liabilities wa nay menor makabuhat og krimen.
Alang ni Manliguez, ang maoy labing gikinahanglan karon mao ang pagduso sa Pareting Program sa ingon magiyahan ang mga ginikanan sa pag-amping ug pag-amoma sa ilang mga anak.
Hinoon, aminado si Manliguez ang dayag nga kamatooran nga nagkadaghan na sa mga batan-on karon nga daw walay kahadlok muhimo og krimen luyo sa ilang linghod nga pangidaron.
Busa gipaboran niini ang pag-ubos sa edad sa criminal liabilities alang sa makakumitar og salaud sama sa mga batan-on nga dili pa unta angayan pahamtangan ninii ug presohon.
Apan gibarugan ni Manliguez nga ang sakto nga pagdisiplina, pagtudlo ug paggiya dakong tabang sa pag-umol sa maayong kinaiya, responsable, ug produktibo nga lumolupyo sa Pilipinas.
RadyoMaN Joel Viray
