*ILOILO City – Gin-aku ni Iloilo City Urban Poor Affairs Office ukon ICUPAO Head mr. Roy Firmeza nga boluntaryo siya nga nagresign bilang hepe sang opisina kasunod sang loyalty check meeting sang tinawo ni Iloilo City Mayor Jose Espinosa III.*
*Suno kay Firmeza, ginkasubo niya ang natabo bangod halos tatlo ka dekada sila nga nag-updanay nanday Mayor Espinosa kag Congressman Jerry Treñas.*
*Nahibaluan nga ginkakas bilang executive assistant sanday ICUPAO Head Roy Firmeza, anay city administrator Melchor Tan, Boyet Rico, Rudiver Jungco, Mitch Antiqueña kag Irene Ong nga kilala bilang tawo ni Congressman Jerry Treñas.*
*Sa pihak sini, naghingyo si Firmeza nga magpabilin sa Marso 15 subong nga tuig para ma turn over sang maayo ang mga dokumento sa iya opisina sa mabulos sa iya sa pwesto. *
*Photo ctto*
*Tags: Visayas, DYRI774, RMN Iloilo, Iloilo City*
